蔡志忠諸子說系列粵語中字莊子說老子說孟子說禪說

显示全部楼层 · 发表于 2021-6-11 21:32:17

大學嗰陣喺圖書館睇《莊子》，真係好燒腦，好多時候一句話引發思考發吘豆一粒鐘就過咗去，成個學期落嚟淨係睇咗內七篇，睇到外篇第一篇《駢拇》時，由於之前一直係畀人一種好開闊嘅感覺，嚟到呢度畫風突變，詆毀儒家感覺變得好狹隘，睇唔落去，合上書之後就再冇翻開過。但奇怪嘅係我明明冇睇過《莊子》後面嘅內容，高中我阿爺過身時我寫祭文卻引用咗“莊子喪妻鼓盆而歌”嘅典故，我對呢個故事深刻嘅印象係邊度嚟嘅呢？
時間要追溯到唔記得係小學定係初中嘅時候，一堂由班主任兼語文老師代課嘅美術課，佢放咗一部粵語動畫（當時係放VCD），中國大陸課堂上由一個撈嘅老師播放粵語動畫，呢件時令我印象好深刻，嗰部片係以動畫形式介紹莊子嘅寓言故事同思想嘅，有啲似港台製作嘅教育節目，我當時第一反應係莊子個樣好似光頭佬麥嘉……

閒來無事網上搵吓有冇相關資源，點知真係畀我搵到，唔單止搵到莊子，仲有諸子百家成個系列，其中以《莊子說》最為出名同經典。有好嘢梗係要同大家分享啦。可惜嘅係粵語版只搵到以下幾部，另外仲有孔子說、列子說、孫子說、韓非子說等等只有央視國語版搵唔到粵語嘅。

裡面《孔子傳》唔係本系列嘅，不過我見都係粵語諸子動畫就擺埋一齊。

游客，如果您要查看本帖隐藏内容请回复

月野兔 · 发表于 2021-6-11 21:55:08

好有教育意义噶片！

lszhen · 发表于 2021-6-11 22:11:09

有几多集?好奇，睇睇学习学习

Sikfaa · 发表于 2021-6-11 22:12:12

月野兔发表于 2021-6-11 21:55
好有教育意义噶片！

我都唔知放邊個區好就放咗去綜合，不如開個教育頻道分類啦

月野兔 · 发表于 2021-6-11 22:18:34

Sikfaa 发表于 2021-6-11 22:12
我都唔知放邊個區好就放咗去綜合，不如開個教育頻道分類啦

哈哈，你好多教育资源啊？如果多，可以喔

Sikfaa · 发表于 2021-6-11 22:21:33

月野兔发表于 2021-6-11 22:18
哈哈，你好多教育资源啊？如果多，可以喔

我係想求……都係拋磚引玉，我記得以前明珠台周末早上有教育節目，細個好鍾意睇

月野兔 · 发表于 2021-6-11 22:23:23

Sikfaa 发表于 2021-6-11 22:21
我係想求……都係拋磚引玉，我記得以前明珠台周末早上有教育節目，細個好鍾意睇 ...

原来喺咁样啊，如果你喺多，可以开一个频道分类比你哈

Sikfaa · 发表于 2021-6-11 22:38:14

月野兔发表于 2021-6-11 22:23
原来喺咁样啊，如果你喺多，可以开一个频道分类比你哈

我可以有咩多唔多？都係從互聯網收集嘅資源，平台嘅作用咪就係大家將搵到嘅資源分享出嚟整合到一齊咩？咪講咩版權，講句唔好聽，除非你自己拍嘅，否則大家都係偷返嚟嘅，如果覺得自己重新壓制有付出咪加個水印囉，人哋攞走相當於幫你做宣傳。
另外，你作為管理員咪淨係顧住自己猛咁發片，睇下大家需要啲咩類型嘅，盡量滿足咗先，大家搵到自己需要嘅嘢或者搵到驚喜自然會產生歸屬感，否則睇兩眼冇嘢到留唔住人。比如我其實對日本啲番劇冇咩興趣，主要想睇粵語配音嘅動畫電影，呢度暫時唔係好滿足到我，唯有先分享吓自己收藏嘅拋磚引玉。